Alden, Mistulang Nag-Propose Kay Maine Sa Kalyeserye

Gaya ng pangako ni Alden, sinamahan niya si Maine aka Yaya Dub, at sina lola Nidora, Tidora at Tinidora para puntahan ang lumang bahay ng kanilang lola. Pakay nilang makita ang jewelry box na naglalaman ng mensahe at singsing na magiging daan sa forever ng AlDub. Sa labas pa lang, halos hindi na mapaghiwalay sina Alden at Maine, at nahuli pang magkayakap sa loob ng bahay nang mamatay ang ilaw. Nagpasalin-salin din kina Alden, Yaya Dub at mga lola ang kaluluwa ng lola ng mga lola. Sa huli, nakita nila ang jewelry box at kaagad na lumabas ang grupo. Habang binabasa ni Alden ang mensahe na nasa loob ng jewelry box, kitang-kita ang mga pagsulyap ni Maine sa binata., at nagpapa-"menggay" pa Kaya naman dapat subaybayan sa susunod na linggo kung maisusuot ni Maine ang singsing, o kung may magiging hadlang pa sa tinatawag na "road to forever" para sa AlDub.

Alden Walang Ieendorsong Presidentiable Kahit bayaran ng P200-M; Album Platinum Na

Alden Richards on Maine Mendoza: "Totoo siyang tao. Hindi fake. Hindi siya showbiz."

Ibinahagi ni Alden Richards sa PEP.ph (Philippine Entertainment Portal) kung ano ang naramdaman niya sa malaking taumpay ng “Tamang Panahon” concert ng Eat Bulaga! sa Philippine Arena noong Sabado, October 24. Noong araw ring iyon naganap ang pagtatagpo at paglalapit nina Alden at Maine Mendoza. Napuno ang 55,000-seater na Philippine Arena. Ayon kay Alden, “Kasi po, pagpasok ko po ng Arena, nakatalikod po ako, e… “Kasi, kung nakita niyo po, galing po ako sa entrance, so naririnig ko lang po ang sigawan ng tao. “The moment po na humarap na ako, puno yung first, second chairs ng Arena... "Parang, 'Totoo ba ‘to? Kami ba talaga ni Maine ang pinuntahan ng mga tao dito? Pinuntahan ba talaga kami ng mga tao for Eat Bulaga?' “So, hanggang ngayon, hindi pa rin mag-sink in sa akin yung nangyari sa Arena. Ang hirap-hirap i-take in sa sobrang laki. “Ipinagpapasalamat ko na lang po talaga sa Diyos ang lahat ng dumarating.” GETTING TO KNOW MAINE. Noong Sabado rin ay nagkaroon ng pagkakataong magkita, magkayap, at magkausap sina Alden at Maine. Nasundan ito ng pictorial nila ng My Bebe Love sa studio ni Edward dela Cuesta noong Lunes, October 26. At kahapon, October 29, ay muli silang nagkita para sa 15th weeksary nila sa Kalyeserye ng Eat Bulaga. Kumusta na sila ni Maine ngayon? Nakangiting tugon ni Alden, “Nagkakausap na po kami. “And I’m starting to get to know her more and, I think, it’s gonna be… “Masarap siyang katrabaho. Totoo siyang tao, e. Hindi fake. Hindi siya showbiz.

Alden to Maine on their 15th weeksary: 'Sana magtuloy-tuloy na ito sa forever'

Sa kauna-unahang pagkakataon, magkasamang ipinagdiwang nina Alden at Yaya Dub ang kanilang weeksary sa iisang venue.

Ngayong 15th weeksary ng phenomenal AlDub Loveteam, nagpunta ang Pambansang Bae sa barangay kung saan naroon din sina Lola Nidora, Tidora, at Tinidora upang sorpresahin ang Dubsmash Queen at Kalyeserye sweetheart.

Dala ni Alden ang mga bulaklak para kay Yaya at sa mga Lola, at hindi rin pinalampas ng AlDub ang pagkakataon na mag-Dubsmash muli nang live at walang split-screen.

Ngunit ang pinakakinakiligan ng AlDub Nation at Eat Bulaga Dabarkads ngayong araw ay ang taos-pusong mensahe ng dalawa sa isa’t isa.

Matapos maglaro ng bato-bato-pik ang dalawa, nanalo si Alden at naunang magbigay ng kaniyang mensahe kay Maine.

Aniya, “Maine, happy 15th weeksary. Sana magtuloy-tuloy pa.”

Sagot naman ni Maine, “Alden, happy 15th weeksary. Thank you sa surprise. Na-surprise talaga ako. Sana magtuloy-tuloy na ito.”

“Nagulat ako na nandito ka at happy ako. Sana magtagal pa ang AlDub, magtagal pa tayo,” dagdag pa ng dalaga.

Nang tanungin naman sila ni Lola Tinidora kung ano ang gagawin nila sakaling may magbago man sa pagitan nilang dalawa, sagot ni Alden, “Lahat magbabago, pero hindi kami.”

Pabirong sabi naman ng Eat Bulaga host na si Joey de Leon, nararapat daw na ang tanging magbago lang sa AlDub ay ang apelyido ni Maine.

Nang pinapili ng Eat Bulaga Dabarkads ang dalaga kung ano ang mas gusto niyang apelyido-- Richards o Faulkerson (ang totoong apelyido ni Alden)-- ang sagot ng dalaga, “Kung ano pong mas bagay... Siyempre, 'yung totoo.”

Bukod sa nakakakilig na weeksary date ng AlDub sa barangay, isa pang magandang balita ang natanggap ni Lola Nidora, Tidora, at Tinidora ngayong Huwebes.

Matapos mahanap ni Alden ang susi ng Bahay ni Lola, natagpuan naman ang lumang larawan ng lola ng mga Lola, at doon nakasulat ang kanilang hinahanap.

“1886 Kababalaghan St., Brgy. Pugot Ulo, Pangmayamang Subdivision” ang address ng Bahay ni Lola, kung saan kailangang pumunta nina Lola Nidora, Tidora, Tinidira, Yaya Dub, at Alden ngayong Sabado upang malaman nila ang tunay na kahulugan ng wagas na pag-ibig, ayon na rin sa mga nakasulat sa diary ng ina ng mga Lola. Watch 15th Weeksary Recap

Mga Negosyante Apektado na rin ng AlDub fever…Pero Walang Reklamo

Totoo ang ginawang pagkukumpara ng aming mga kaibigan sa laban ni Manny Pacquiao at sa matinding tagumpay ng Eat Bulaga…Tamang Panahon nu’ng nakaraang Sabado. Walang gaanong sasakyan sa mga kalye, walang ingay sa kalsada, pero may mga nagtitilian at kinikilig sa kani-kanyang tahanan. Pagtatapat ni Von, anak-anakang naming tagapamuno sa isang departamento ng Wilcon, “Nu’ng mismong tanghali ng Sabado hanggang mga alas kuwatro, walang gaanong tao sa amin. Madalang talaga, samantalang peak day namin ang Sabado. “Nagdagsaan ang mga shoppers nu’ng mga alas singko na, kasi pala, e, nanood muna sila ng kalyeserye. Talagang AlDub pa rin ang pinagkukuwentuhan nila, kinikilig pa nga ang iba, talagang napakalakas ng AlDub ngayon,” pag-amin ni Von. Si Louie Tolentino, isang magaling na pintor, ay may maliit na tindahan. Bandang ala una ay nag-text ito sa amin, “’Nay, ano ba ito, walang bumibili sa tindahan namin! Sigurado, nanonood sila ng Tamang Panahon. Okey lang, nakatutok din naman kami sa Eat Bulaga!” Marami pang ibang kuwentong nakarating sa amin tungkol sa pansamantalang paghinto ng mundo ng mga kababayan natin nang ganapin ang noontime show sa Philippine Arena. Pinaghandaan talaga ng mga Pinoy ang pagdating ng tamang panahon para kina Alden Richards at Maine Mendoza (Yaya Dub). Phenomenal. Hindi nangyayari ang ganito nang madalas. Paminsan-minsan lang.

BBC News ginulat din ng AlDub; Tinawag Na Global At Social Media Phenomenon

TULOY-tuloy talaga ang pagpapakalat ng  good vibes at kilig nina Alden at Yaya sa iba’t ibang bahagi ng mundo. Dahil araw-araw ngang top trending topic worldwide ang mga AlDub hashtags, hindi na rin nakatiis at naibalita na rin ito sa mga international news websites.
Isa na nga riyan ang website ng BBC News, ang bbc.com na siyang public-service broadcaster ng United Kingdom (counterpart ng CNN sa US), kung saan tinagurian nitong global phenomenon ang loveteam nina Alden Richards at Maine Mendoza.
Ang writer na si Heather Chen ang sumulat ng artikulong “AlDub: A social media phenomenon about love and lip-synching,” kung saan inisa-isa ang dahilan kung bakit nagtagumpay ang AlDub loveteam at kung bakit naging global phenomenon ang kalyeserye.
“And it isn’t just the local fans. US politicians and even alternative rock bands, have declared their love for the show and its young stars,” sabi pa sa artikulo.
Bukod dito, tinalakay din sa nasabing artikulo ang pagiging third fastest-growing celebrity sa Twitter ni Maine, “after US singers Taylor Swift and Katy Perry.”
Pati ang Pinoy BBC presenter na si Rico Hizon ay self-confessed AlDub fan, “They appear very down-to-earth. I believe that one big reason they are so popular is because the actors are very humble despite their massive success—they keep thanking fans as well as everyone who supports their work.”

Yaya Dub Ginawang Inang Kalikasan Sa Isang Mural sa Italy

GINAWANG Inang Kalikasan si Yaya Dub na Maine Mendoza sa totoong buhay sa isang mural sa Italy. Nagpost sa kanyang Facebook si dating Climate Change Commissioner (CCC) Naderev “Yeb” Saño, isa mga lider ng Climate Walk, ng isang litrato kung saan nakaupo siya sa isang mural na ginawa ng kanyang kapatid na si AG Saño. “AG Saño does it again. A masterpiece in Galliate, Italy. The woman portrayed as Madre Della Terra looks familiar. And AG painted this in 4 degrees Celsius super cold weather,” sabi ni Saño sa kanyang post. Nakalagay sa caption ang “#yayadub as mother nature… art attack italia.” Sa isang text message, sinabi ni AG, na umaasa siyang makakatulong ang popular na love team ng AlDub na sina Alden Richards at Yaya Dub para ipaalam sa buong mundo ang mga isyu na kinakaharap ng Inang Kalikasan.

Pauleen Luna on Maine Mendoza: Hindi siya aware sa level ng popularity niya

Hindi kinakaila ng "Eat Bulaga!" Dabarkads at Future Mrs. Bossing na si Pauleen Luna na mula sa unang araw na napanood niya ang tambalanag AlDub ay humanga na siya rito at tinutukan niya na talaga ang Kalyeserye.

Aniya, “I was always a fan of AlDub. Parang Day 1 [July 16, 2015] absent ako, e. Day 2 pa lang, naging fan na talaga ako ng AlDub.”

Ikinuwento rin ni Pauleen ang naging karanasan niya sa “Tamang Panahon” concert ng AlDub sa Eat Bulaga! noong Sabado, October 24, sa Philippine Arena.

“Nung Sabado, hindi ko kinonsider na parte ako ng show. Umupo ako dun at nag-enjoy talaga ako as a fan. As in, the entire time, ang mga tao nasa dressing room, ako nasa harap. Nakaupo ako sa sahig. In-enjoy ko siya, nakiiyak ako, nakitawa ako. Kasi minsan lang ‘to mangyayari, e. So, might as well enjoy it nang buong-buo.”

“Kasi puwede ko naman mapanood sa loob, sa monitor, pero hindi, gusto ko talaga marinig at maramdaman ang mga tili ng mga tao. Gusto ko makitili, makiiyak, makitawa.”

Dagdag pa ni Pauleen, “We’re so proud of AlDub and the three lolas [Wally Bayola, Jose Manalo, and Paolo Ballesteros]. Kasi, parang umangat talaga yung Kalyeserye portion, e… Hindi lang siya nakilala sa Philippines, pati sa ibang bansa.”

“Even executives from Twitter, pumunta sila dito sa Pilipinas, nanonood sila. They wanna check out kung ano ba talaga yung kaguluhang ito. Bakit ang daming tweets about AlDub. The fact na nakakakuha tayo ng atensiyon sa hindi natin kalahi, ang sarap ng pakiramdam. Kami, we’re very proud of them.”

HUMBLE MAINE. Ang isa pang ikinatutuwa nila nang husto sa sikat na loveteam, lalo na kay Maine, wala raw nabago at ganun pa rin daw na mahiyain at tahimik lang.

Hindi raw ito aware na sobra na siyang sikat.

Sabi ni Pauleen, “Hindi siya aware sa mga nangyayari. Hindi siya aware sa level ng popularity niya, which I would like to believe is a very good thing, that would keep her grounded. Nakakaaliw lang kasi ang layo na ng narating niya, but she’s not even aware of it.”

Kaya nandiyan daw ang suporta nila kay Maine at willing si Pauleen na umalalay para lalong mahasa ang hosting skills ng 20-anyos na Bulakenya.

“Masasanay din siya for sure. Kasi halos lahat naman kami, nung nagsimula sa Eat Bulaga, hindi naman talaga ganun kahasa, e. But eventually, you’ll get the hang of it.”

“At one thing is for sure, ang mga tao sa Eat Bulaga, magaling mag-alalay, magaling sumuporta, at tumutulong. Kasi wala namang kumpitensiya sa amin, e. Lahat kami tulungan. Kaya eventually, masasanay din si Maine, and I’m very confident,” pahayag ni Pauleen

AlDub, Magtatagal Pa, Ayon Sa Sociologist! OFWs ang nagpalakas sa AlDub!

Ayon sa isang sociologist at pop culture expert na si Prof. Mike Labayondoy, isang cultural phenomenon nga ang AlDub loveteam nina Alden Richards at Maine Mendoza a.k.a. Yaya Dub kaya naman tatagal pa ito sa telebisyon.

“Makikita mo ‘yung mga mahahalagang elementong pinagsama-sama. Halimbawa, ‘yung mga dating sikat na ay na-pick up din ng pa­labas, tulad ng popular music.

“Kung isa kang foreigner, hindi mo kailangang maintindihan ‘yung nangyayari, you just have to feel the music and makaka-relate ka na.
“Recently, nag-transition sila into quoting popular movie lines like ‘This must be love.’ The population can easily relate to that,” sey pa ni Labayondoy.

Maraming elements nga raw sa kalyeserye ang laman ngayon sa local pop culture.

“Nariyan din ‘yung mga dati pang elemento at simbolo at senyales na popular, tulad ng pabebe wave, and Dora the Explorer.

“Lahat ng pangalan ng mga lola ay hango sa pangalan ni Dora, which is very famous among young ones.”

Ang social media nga ang naging mala­king dahilan kung bakit lumaki into sa isang “nation” ang mga AlDub fans.
Kabilang na rito ang mga OFWs na malayo sa kanilang mga pamilya pero tinuring na nilang pamilya ang mga characters ng kalyeserye dahil sa pinapakita nitong traditional values and family relations.
Maging ang pag-arte ng mga characters ay naturang na natural kaya magaan itong panoorin.
“The natural acting and a dash of spontaneity in every episode since Day 1 has added the charm of practicality and being customary and conventional, which gives off the light and comforting feeling of being right at home with your extended family.
“The show reminds the younger generation of the values they have almost forgotten because of how fast-paced their lives have gone.
“Bahagi ng millennial generation ay nasa labas at mahilig sa Internet at anomang digital.
“Malaking tema ang ‘yung kinship, family relations and ties. Across class and age, talagang puwede silang maka-relate.

Other than being popular, ‘yun ang mas mahalagang bahagi ng show — ‘yung tungkol sa pa­milya.

“Napaka-practical din ng mga karakter. In fact, nagde-depart ito sa traditional, o iyong napaka-rigid ng characterization, nakakahon, o expected mo na. Ito hindi. May debate pa nga among characters.

“Mas liberal ‘yung ibang lola, si Lola Nidora naman ay mas conservative. Para ka lang nasa bahay. Makikita mo na ‘yung sagutan ay napaka-practical, para ka lang nasa bahay.”

Kaya isang malaking check ang success ng kalyeserye na officially ay nakakuha ng 41 million tweets para sa hashtag na #AlDubEBTamangPanahon noong October 26.

Alden Richards, Pinangangambahang Pagsawaan!

May mga nagsa-suggest na bawasan ang mga mall shows ni Alden Richards at baka daw pagsawaan ng mga fans. 
Hindi naman siguro at may fan base na siya, Mga natanguan ng pro­jects iyon noon pa man at mala­ki ang nagawa ng mga shows na iyon at platinum na ang second album niya sa dami ng bumibili. Pero patapos na daw ito at ang shooting naman ang haharapin at mga TVC.  Punung-puno ang schedule ni Alden pero may curfew pala ang sked niya. Hanggang 10 PM lang at para mahaba ang pamamahinga niya.Hindi naman umaa­ngal ang Pambansang Bae at energy niya yata ang makasalamuha ang maraming tao.Noong inggo ay wa­lang makaistorbo kay Alden sa isang sulok ng studio 7 kung saan idinaraos ang Sunday PinaSaya. May kausap daw ito ng matagal sa telepono. Hindi kaya si Maine Mendoza na bumulaga as caller sa DJ portion ng programa na ikinakilig ng lahat. Baka nga.

Bashers ng AlDub butata, napahiya sa maling hula sa relasyong Alden-Yaya

Sinadya naming hindi palampasin ang unang episode ng kalyeserye ngayong nagsasalita na si Maine Mendoza, ngayong pinayagan na silang magyakapan ni Alden Richards, ngayong hindi na nila pinadadaan ang kanilang emosyon sa fan sign.
May mga nagkokomento kasi, lalo na ang mga kumakalaban sa AlDub, na hihina na ang karisma sa publiko ng loveteam dahil wala na raw aabangan pa sa kanila.
Pero maling-mali sila, parang mas tumindi pa nga ang kilig at pagkagusto sa kanila ng manonood dahil malinaw na ang kanilang komunikasyon, nasasabi na nina Alden at Maine Mendoza nang lantaran at diretso ang kanilang nararamdaman.
Halatang-halata na nahihiya pa nu’ng una si Yaya Dub sa pagho-host, tawa siya nang tawa, idinadaan na lang niya sa katatawa ang paninibago niya nga-yong isa na siya sa mga co-hosts ng Eat Bulaga.
Ang dami-daming kinikilig sa kanila ngayon ni Alden, isang kaibigan naming becki ang huminto muna sa pananghalian para lang magkomento, “Mas nakakakilig pa sila ngayon dahil nagsasalita na si Yaya Dub! Dati kasi, puro dub-smash at fan sign lang sila.
Ngayon, deretsahan na!”  Sabi nga ni Lola Nidora ay hindi matitigil ang kalyeserye, tuluy-tuloy lang ang palabas na minahal nang todo ng ating mga kababayan, isa pa ay kailangan pa munang makita ni Lola Nidora ang kanyang apo kina Alden at Maine.
Regine!!!! Whooooh!!!!

Alden, nagulat at kinilig nang makatanggap ng tawag mula kay Maine sa 'Sunday PinaSaya'

Tinotohanan ni Maine Mendoza a.k.a. Yaya Dub ang nauna niyang tweet na tatawag siya kay DJ Bae, played by Alden Richards, ng Sunday PinaSaya.

Maine Mendoza on the cover of fashion magazine's November issue

Maine Mendoza indeed is 2015's "breakout star" with several product endorsements, an upcoming movie and now she will be on the cover of a fashion magazine.
Mendoza, who became famous after taking on the role of "Yaya Dub" in Eat Bulaga's kalyeserye, will be on the cover of Meg magazine's November issue.

Wally Bayola hugs Maine Mendoza before ‘Tamang Panahon’

Aside from the notable closeness of  ‘Eat Bulaga!’ Kalye-serye characters Lola Nidora and Yaya Dub, the tight relationship of the people who bring them to life is also worth lauding.

It has only been over three months since Wally Bayola and Maine Mendoza started working with each other, but they’ve already formed a beautiful friendship.

Their daily antics in the barangay was brought to the big stage during the ‘Tamang Panahon’ event in the Philippine Arena.

A big day for fast rising star Maine, Wally did not miss the opportunity to wish her luck with a hug before the show.

Alden at Maine, may first hug pero no kiss sa 'EB: Sa Tamang Panahon'

Dumating na ang tamang panahon para mayakap at mapasalamatan nina Alden Richards at Maine "Yaya Dub" Mendoza ang isa't isa dahil sa pagiging matagumpay ng kanilang tambalan sa kalyeserye ng Eat Bulaga. Sa special show na "Eat Bulaga: Sa Tamang Panahon" nitong Sabado, dumating si Yaya Dub sa establado ng Philippine Arena na nakasabit sa jeep.

Para Sa Mga Aldub Nation Sa Abroad (Team Abroad)

Mga Aldub Nation oh ‪#‎TeamAbroad‬! Mapapanood ninyo ang "Sa Tamang Panahon" event ng Eat Bulaga bukas, October 24, sa GMA Pinoy TV—LIVE!